Rizvanolli kërkon që Serbia urgjentisht të respektojë marrëveshjen për energjinë

Ministrja e Ekonomisë, Artane Rizvanolli ka thënë se Serbia urgjentisht duhet të respektojë marrëveshjen për energjinë.

Kjo pasi sipas saj, mospagesa e faturave të energjisë elektrike po nxit aktivitete të paligjshme, siç janë ato me prodhimin e kriptovalutave, raporton teve1.info.

Rizvanolli po ashtu, ka potencuar se Kosova i ka përmbushur të gjitha obligimet.

“Policia ka sekuestruar 174 pajisje të paligjshme të kripto-minimit në Zubin Potok. Mospagesa e faturave të energjisë elektrike nxit aktivitete të tilla të paligjshme. Kjo është arsyeja pse Serbia bllokon zbatimin e udhërrëfyesit të energjisë. Ne i përmbushëm të gjitha angazhimet tona. Koha që edhe pala tjetër të bëjë të njëjtën gjë, urgjentisht!”, ka shkruar ajo në twitter.