Ministrja e Ekonomisë, Artane Rizvanolli dhe Ministri i Mjedisit, Planifikimit Hapësinor dhe Infrastrukturës, Liburn Aliu do të raportojnë sot para dy komisioneve parlamentare.
Rizvanolli do të raportojë në Komisionin për Ekonomi, Industri, Ndërmarrësi dhe Tregti.
Ajo do të raportojë lidhur me realizimin e projekteve të vitit 2023 dhe planet e ministrisë për vitin 2024.
Ndërsa, Aliu do të raportojë në Komisionin për Mbikëqyrjen e Financave Publike, ku do të shqyrtohet edhe raporti për auditimin e PVF-ve të Postës së Kosovës sh.a për vitin 2022.
