Ministrja në detyrë e Ekonomisë, Artane Rizvanolli ka thënë se deri nesër në ora 08:00 të mëngjesit do të kthehet sërish në funksion Blloku B2 i termocentralit Kosova B.
Ajo ka thënë sot ka vizituar punimet qe janë duke u bërë aty, që sipas saj, është informuar se kishte një rrjedhje që ishte shkak që ky bllok të ndalet.
“Në KEK vizitova punimet e remontit në Bllokun B1 në TC Kosova B, i cili po zhvillohet sipas planit dhe i paraprin fillimit të modernizimit të turbinës në Bllokun B2 që do të fillojë në fund të prillit. Investimet e këtij viti do t’ia rrisin kapacitetin e kësaj njësie për rreth 15 MË, ndërsa me përfundimin e plotë të rehabilitimit, TC Kosova B do t’i rritet kapaciteti për 80 MË, prodhimi vjetor për 600 GËh, si dhe jetëgjatësia për 20 vite.
Gjatë vizitës gjithashtu u informova se në Bllokun B2 kishte një rrjedhje, si pasojë e së cilës blloku është dashur të nxirret jashtë funksionit mbrëmë pas mesnate. Megjithatë, ekipet janë duke punuar me intensitet të lartë dhe blloku pritet të rikthehet në funksion deri nesër në orën 08:00 të mëngjesit. Falënderova punëtorët dhe menaxhmentin, të cilët me vetëmohim po punojnë paralelisht në remontin e Bllokut B1 dhe në sanimin e rrjedhjes në Bllokun B2”, ka shkruar ajo.
