Dëshmori Enver Pacolli ishte varrosur në varrezat e Hajvalisë, kurse të shtunën me nderime të larta ku i pranishëm ishte kryetari i Gjilanit, Alban Hyseni, zëvendësministri i Mbrojtjes, Shmsi Syla e përfaqësues nga Bashkësia Islame e Kosovës, u rivarros në varrezat e Dëshmorëve në Gjilan.
Në gjysmën e dytë të prillit të vitit 1999, forcat ushtarake e policore serbe kishin marrë një ofensivë në shkallë të gjerë, me qëllim për të shkatërruar Ushtrinë Çlirimtare të Kosovës.
18 prilli i vitit 1999 shënon edhe numrin më të madh të dëshmorëve të UÇK-së, të rënë gjatë një dite, në vendluftimet e Zonës në Llapit e Marecit, në Brigadën “Ismet Jashari Kumanova”, në “zonën e Drenicës”, në “Dukagjin” dhe “Anadrin”. Në prill të vitit 1999 në fshatrat Marec, Makoc dhe Sllovi u vranë 74 shqiptarë.