Përmes një video-mesazhi të cilin e ka publikuar Ministria e Kulturës Rinisë dhe Sportit, Ora dhe Lipa kanë uruar Kosovën për këtë ditë të rëndësishme, transmeton teve1.info.
“Përshëndetje, unë jam Rita Ora. Urime Dita e Pavarësisë. Si ambasadore e Kosovës e shoh shumë të rëndësishme ta festojmë këtë ditë. Ka aq shumë domethënie për ne, shpresoj që të gjithë të keni një ditë të mrekullueshme”, ka thënë Rita Ora.
Ndërsa, Dua Lipa ka uruar festën duke thënë se krenaria për identitetin tonë na bën më të fortë se kurrë.
Ajo thotë se kështu i tregojmë botës se kush jemi përmes artit, kulturës dhe sportit.
“Gjithçka e bëjmë me dashuri dhe pasion, sepse kështu jemi të formuar. Sfidat që kishim, ato me të cilat ballafaqohemi dhe krenaria për identitetin tonë na bën më të fortë se kurrë, ndërsa i tregojmë botës kush jemi përmes artit, kulturës dhe sportit. Urime ditëlindjen e 14-të Kosovë”, tha Lipa në urimin e saj.
Po ashtu, në video-mesazhin e Ministrisë së Kulturës, Pavarësinë e kanë uruar edhe emra të tjerë që Kosovës i kanë sjellë sukese, si Majlinda Kelmendi, Nora Gjakova e Distria Krasniqi, regjistroja Blerta Basholli, regjisori Sami Karahoda, skitarja Kiana Kryeziu dhe skitari Albin Tahiri etj.
