Në 6 mijë e 751 vota minus, ka shkuar bilanci i kandidatit të PDK-së për deputet, Fetah Paqarizi, nga rinumërimi i cili po vazhdon gjithandej Kosovës.
Përveç Prizrenit, Paçarizit i janë evidentuar edhe 728 vota më pak në komunën e Malishevës.
Për kah numri i votave të hequra pas rinumërimit, pas Paçarizit qëndron bashkëpartiaku i tij, Nait Hasani.
Për ish-deputetin Hasani, deri më tani janë evidentuar 3 mijë e 337 vota më pak.
Ndërkaq, ish ministrit të kulturës Kujtim Gashi, 2 mijë e 424 i janë hequr nga numërimi fillestar.
Përderisa këtyre kandidatëve u janë hequr votat, disa të tjerëve u janë shtuar.
Kandidates nga Prizreni Jona Hoxha, qytet në të cilin u evidentuan parregullësitë më të mëdha, i kanë shtuar 450 vota.
Në PDK 874 vota i janë shtuar Arian Tahirit, 720 Uran Ismailit, e 510 Përparim Grudës.
Ndryshime në votat e kandidateve ka edhe në Lëvizjen Vetëvendosje.
Deri më tani kur janë rinumëruar rreth 50% e vendvotimeve, deputetit të disa mandateve, Arbër Rehxaj, i janë hequr 622 vota.
Ndërkaq, dy kandidateve të tjera të Vetëvendosjes, Rea Krasniqit i janë larguar 555 vota, kurse Dafina Alishanit 459.
Në Lidhjen Demokratike të Kosovës, ai që e pësoi më së shumti nga rinumërimi, është kandidati Xhavit Ukaj.
Ukajt deri më tani i janë hequr 1 mijë e 645 vota.
Kandidatit tjetër të LDK-së për deputet, Driton Selmanajt i janë larguar 1 mijë e 55 vota. Që të dy, edje Ukaj edhe Selmanaj vijnë nga regjioni i Prizrenit.
Në LDK 380 vota i janë shtuar Paris Gurit, 207 Ukë Rugovës, e 128 Festim Kabashit.
E në AAK, listës së votave të hequra pas rinumërimit i prijnë Besnik Krasniqi me 317 ,e vota më pak, Hamdi Komoni, Hamdi Komoni me 199, e Tringa Morina me minus 174.
Procesi i numërimit në Qendrën e Numërimit dhe Rezultateve është përmbyllur plotësisht në 19 komuna, ku tashmë janë përditësuar mbi 50% e vendvotimeve në gjithë vendin.
Kronikë e realizuar nga gazetarja, Jona Kelmendi.
