Gjeneva dhe Cyrihu sot ndaluan fluturimet për disa orë.
Hapësira ajrore zvicerane u mbyll për shkak të një problemi kompjuterik në shërbimin e kontrollit të trafikut ajror Skyguide, shkruan BBC.
Por aeroporti i Gjenevës njoftoi se trafiku ajror po rifillonte gradualisht.
Skyguide ka thënë se mosfunksionimi teknik në orët e para të së mërkurës nënkuptoi se hapësira ajrore zvicerane duhej të mbyllej për linjat për “arsye sigurie”.
Sipas zëdhënësit të Skyguide, Vladi Barrosa, problemi dukej të ishte një defekt harduer dhe ata nuk besonin se sistemi i tyre ishte hakuar.
Kurse më vonë kompania njoftoi se “mosfunksionimi teknik në Skyguide është zgjidhur” dhe gjithçka iu rikthye normalitetit.
