Sulmuesi i Kosovës, Albion Rrahmani ka lënë pas vetes lëndimin muskulor që e la jashtë fushës për gati dy muaj.
Rrahmani duket se është rikuperuar, pasi u aktivizua në ndeshjen e fundit kampionale të Sparta Pragës, e cila mposhti 3:0 Hradec Karloven në kuadër të xhiros së 21-t të Superligës së Çekisë.
Sulmuesi 24-vjeçar, u aktivizua për 15-të minuta në këtë ndeshje, në të cilin njërin prej golave për Spartën e shënoi Ermal Krasniqi.
Rrahmani herën e fundit kishte luajtur për Spartën më 15 dhjetor të vitit të shkuar, përpara se ti nënshtrohet fazës së rikuperimit të lëndimit.
Ai para fillimit të këtij sezoni u transferua te Sparta nga Cluji i Rumanisë dhe deri më tani ka shënuar 8 gola e ka bërë tri asistime për ekipin nga Çekia.
Sparta, aktualisht është e treta në tabelë me 43 pikë të mbledhura, 13 më pak se Slavia që mbanë pozitën e parë.
