Autor: Kreshnik Berisha
Rikthehet Richard Grenell në administratën e Presidentit amerikan Donald Trump.
Ai do të ushtroj detyrën e të dërguarit presidencial për misione të posaçme, për të ndihmuar administratën e ardhshme të përballet me disa nga sfidat më të vështira të politikës së jashtme.
Presidenti Trump nuk dha shumë detaje për përgjegjësitë e Grenellit
“Ric do të punojë për disa nga pikat më të nxehta në botë, përfshirë Venezuelën dhe Korenë e Veriut”, tha Trump.
Kurse Richard Grenell u ndje I nderuar dhe tha se ka shumë punë për të bërë.
“Të punosh në emër të popullit amerikan për Donald Trumpin është nderi më i madh i jetës. Presidenti Trump është dikush që u gjen zgjidhje problemeve, duke i mbajtur amerikanët të sigurt dhe të begatë. Kemi shumë punë për të bërë. Le të fillojmë punën”, tha Grenell.
Ndërkohë që mediat amerikane kanë shkruar se Grenell do të fokusohet gjithashtu tek tensionet në Ballkan.
Për profesorin universitar dhe studiuesin e politikave ndërkombëtare Seb Bytyci e konsideron këtë lajm jo shumë të mirë për Kosovën.
Por thotë se nuk është e qartë nëse Grenell do të përfshihet në procesin e dialogut Kosovës Serbi.
Lidhjet biznesore të Grenell në Serbi, e bëjnë atë të anshëm dhe kjo mund ta trimërojë Serbinë.
Gjatë mandatit të parë të Trump, Grenell ishte ambasador në Gjermani, pastaj i dërguar i posaçëm presidencial për negociatat mes Kosovës e Serbisë, si dhe Drejtor në detyrë i Zbulimit Kombëtar.
