Dera që ofron shërbime të ultrazërit në QKMF në Prishtinë e cila ishte e mbyllur për ditë të tëra, sot u hap.
Nga kjo e enjte aparaturat e ultrazërit janë në shërbim të qytetarëve.
Këtë e bëri publike Izet Sadiku, Drejtor i Shëndetësisë në këtë komunë, përmes profilit të tij në Facebook.
“Pas disa ditë mosfunksionimi të aparatit te ultrazërit në njësinë e Radiologjisë në Qendrën Kryesore të Mjekësisë Familjare për shkak të një defekti nga sot në ora 8:00 aparati i ultrazërit ështe funksionalizuar dhe qytetarët nga mëngjesi i sotëm kanë pas mundësi të marrin shërbimet e ekosonografisë”, ka shkruar ai në Facebook.
E ky funksionalizim erdhi pas raportimit të tëvë1 për këtë çështje dy ditë më parë.
Pas raportimit të tëvë1 ditë më parë për mosfunksionimin e aparaturave të ultrazërit në QKMF, të njëjtat janë rregulluar dhe tanimë janë në shërbim të qytetarëve.
Këtij lajmi i janë gëzuar qytetarët, pasi thonë që kanë pas raste që këtë shërbim e kanë marrë në ordinanca private.
“Shërbimet specialistike i kom marrë privat shpesh me i evitu këto radhët e gjata që duhet me i pritë, por sa herë kam qenë këtu mendoj se ka shumë sene me u përmirësu”, u shpreh qytetari Argjend Raçi.
“Sa i përket shërbimeve specialistike gjithçka është në rregull veç te barnat është problem”, tha qytetarja Saide Havolli.
Shërbimet janë shumë të mira dhe çfarëdo që kryhet këtu e kryejmë këtu mirëpo problemi qëndron vetëm tek barërat.
Ultrazëri është një mënyrë e dobishme për të shqyrtuar organet e brendshme të trupit, duke përfshirë zemrën, mëlçinë, fshikën e tëmthit, shpretkën, pankreasin, veshkat dhe fshikëzën.
Autore: Riga Gjata
