Liga e Kampionëve rikthehet sonte me fazën e ligës për edicionin 2025/26, duke sjellë emocione të mëdha dhe përballje të forta në mbrëmjen e parë të javës.
Programi nis nga ora 18:45 me dy sfida interesante: Athletic Bilbao pret Arsenalin në “San Mamés”, ndërsa PSV do të masë forcat me belgët e Royale Union SG.
Në orën 21:00, në fushë zbresin disa nga gjigantët e futbollit evropian. Benfica synon fitore ndaj Qarabagut në Lisbonë, Juventusi do të ketë një sfidë të vështirë ndaj Borussia Dortmundit, ndërkohë që Real Madrid pret Marseille në “Santiago Bernabéu”. Mbrëmja mbyllet me duelin anglezo-spanjoll mes Tottenham dhe Villarreal, që pritet të jetë një nga ndeshjet më të ekuilibruara të natës.
Kështu, starti i fazës së ligës në Champions League premton spektakël, gola dhe përballje që mund të përcaktojnë rrugëtimin e ekipeve drejt fazës me eliminim direkt.
