Frank Rijkaard ka gjasa të mëdha të jetë trajner i Barcelonës prej edicionit të ardhshëm, kanë njoftuar mediumet spanjolle të premten.
Bëhet e ditur se Rijkaard tashmë është kontaktuar nga presidenti i Barcelonës, Joan Laporta dhe marrëveshja mund të arrihet muajt në vazhdim mes palëve.
Rijkaard po shihet si zëvendësim ideal për Xavi Hernandezin, i cili tashmë ka paralajmëruar largimin nga Barcelona në fund të këtij edicioni. Rijkaard ka kohë që është i papunë, por ka qenë trajner i Barcelonës për pesë vjet (2003-2005) dhe gjatë kësaj periudhe ka fituar pesë trofe, përfshirë dy tituj kampioni të Spanjës dhe Ligën e Kampionëve.
Si trajner, Rijkaard ka punuar edhe te Sparta e Rotterdamit dhe Galatasaray, ndërsa ka qenë edhe përzgjedhës i Holandës dhe Arabisë Saudite.
