Qendra Kombëtare për Menaxhim Kufitar ka njoftuar se është hapur për qarkullim pika kufitare në Han të Elezit, e cila ishte mbyllur përkohësisht si pasojë e zjarreve në afërsi të kufirit me Maqedoninë e Veriut.
“Ju njoftojmë se është hapur për qarkullim rruga nga PKK Hani i Elezit për Shkup”, thuhet në njoftimin zyrtar.
Kjo pikë ishte mbyllur më 7 korrik nga autoritetet maqedonase për arsye sigurie, pasi në zonën afër tunelit në Stankovec ishin përhapur flakë të mëdha që rrezikonin sigurinë e qarkullimit rrugor.
Autoritetet apelojnë për kujdes dhe respektim të udhëzimeve të policisë kufitare, veçanërisht gjatë ditëve me temperatura të larta, që rrisin rrezikun nga zjarret.
