Kryetari i Komisionit Qendror të Zgjedhjeve në Shqipëri, Ilirjan Çelibashi beson se rezultatet e zgjedhjeve komunale do të dalin deri në fund të ditës së sotme.
Ai tha se nuk do të tolerohet asnjë sjellje e komisionerëve që nuk është në përputhje me Kosin Zgjedhor.
“Me siguri, në afatet e përcaktuara nga ligji, nga fundi i ditës së nesërme ne do të kemi rezultatet e zgjedhjeve. Do të ushtrojmë gjithë autoritetin e ligjit për t’i vendosur komisionerët dhe anëtarët e grupit të numërimit në pozita përgjegjshmërie dhe zbatimi të detyrës”, ka thënë Çelibashi, raportojnë mediat në Shqipëri.
Të dhënat e para të KQZ-së tregojnë avantazh të Partisë Socialiste në Elbasan, Vorë dhe Kamëz, në garën për zgjedhjet komunale në Shqipëri.
Partia Socialiste edhe zyrtarisht shpalli fitoren në Kamëz dhe Vorë.
Kandidati i PS për Tiranë, Erion Velijaj tha se PS ka fituar në Vorë me 75 për qind.
Në tri bashkitë e lartpërmendura ka pasur votim dhe numërim elektronik.
