Rexhepi tha se për organizimin e aktiviteteve me rastin 4 korrikut, 246-vjetorit të Pavarësisë së Amerikës, shoqata e tij ka marrë vetëm përkrahje morale por jo edhe financiare nga ana e institucioneve të Kosovës.
Ai tha se vetëm po të jesh pjesë e partive politike në Kosovë dhe në Ballkan mund të marrësh përkrahje dhe të shkosh tutje.
“Përkrahje morale kemi deri në qiell por kjo nuk mjafton në asnjë mënyrë… Për aq sa kam marrë mjete unë është dashur aktivitetin ta ndërpresë minimum para 10 vitesh. Sikur të kishim mjete, buxhet garantoj që në nivel Evrope do të ishim shumë komod ndoshta në krye të veprimeve politike dhe forma të tjera sepse kemi dëshmuar me rezultate. Nuk jemi pjesë e partive… në Kosovë, te shqiptarët, në Ballkan është një ligj i pashkruar nëse do të shkosh tutje duhet të jesh pjesë e partive”, tha Rexhepi në emisionin “Info Nata” në Tëvë1.
Ndërkohë sot për nderë të 4 korrikut, 246-vjetorit të Pavarësisë së Shteteve të Bashkuara të Amerikës, Shoqata “Miqtë e Amerikës” ka organizuar aktivitetin e 18-të me radhë, aktivitet ky i cili ka për qëllim të tregojë mirënjohjen ndaj ShBA-së.
