Kryetari i Këshillit Kombëtar Shqiptar të Luginës së Preshevës ka zhvilluar takim me ministrin për Evropën dhe Punët e Jashtëm të Shqipërisë Igli Hasani, me të cilin kanë diskutuar për temat me rëndësi thelbësore për shqiptarët e Luginës së Preshevës.
Në këtë takim siç ka njoftuar Rexhepi janë dakorduar me ministrin Hasani për bashkërendim për të adresuar shqetësimet e shqiptarëve në Luginën e Preshevës.
“Bashkë u dakorduam se është mëse e rëndësishme një qasje e vazhdueshme për bashkërendim në mes të institucioneve të Shqipërisë dhe Këshillit Kombëtar Shqiptar për të adresuar të gjitha temat që preokupojnë Luginën e Preshevës. Shqipëria ka një rol të pazëvendësueshëm në mbështetjen e shqiptarëve në Luginë, si në nivel diplomatik, ashtu edhe përmes politikave konkrete që nxisin zhvillimin dhe garantimin e të drejtave themelore. Mbetemi të përkushtuar për të qenë një urë bashkëpunimi dhe një zë përfaqësues i interesave të shqiptarëve të Luginës, në bashkërendim të plotë me institucionet e Republikës së Shqipërisë dhe ato të Republikës së Kosovës”, ka shkruar ai në Facebook
