I ftuar në emisionin “Info Nata” në Tëvë 1, Rexhepi thotë se ka apeluar që edhe pse zyrtarët e institucioneve nuk organizojnë ndonjë aktivitet për këtë ditë, së paku të vendosin ndonjë flamur amerikan në zyret e tyre.
“Apeloj dhe kam apeluar nëse asgjë tjetër, le ta vendosin një flamur amerikan në tavolinë në portë ose në dritare, le ta bëjnë një postim ajo nuk kalon pa u vërejt është një veprim që duket i vogël por një e një dalin një grumbull i madh”, tha ai.
Madje, ai thotë se nëse këtë gjë do ta bënin të gjithë qytetarët e vendit, kjo do të ishte mrekulli dhe do të shkaktohej një “cunami politik”.
“Do të ishte mrekulli nëse të gjithë shqiptarët do ta vendosnin flamurin e Amerikës më 4 korrik në shtëpitë e tyre. Edhe do të arrihej me këtë veprim do ta shkaktonim një cunam politik jo vetëm me Amerikë por edhe në Evropë nëse arrijmë këtë kemi arritur atë zenitin”, shtoi ai.
Kurse, sa i përket dëmtimit të shtatores së ish-presidentit të SHBA-së, Bill Clinton në Prishtinë, Rexhepi tha se është shqetësusese dhe për keqardhje.
“Shumë mirë e keni shumë me të drejtë, jam shumë dakord me ju është për keqardhje ky veprim kjo gjendje sa i përket shqetësimit që ju paraqitet rreth dukjes së shtatores. Ekspertët kanë deklaruar që shtatorja nëse i qitet ujë shkatërrohet, domethënë nuk është mirë me u pastru. Por sa i përket pastërtisë mundem me bë lehtë sa i përket vetëdijësimit të qytetarëve që mos t’i dëmtojnë qeramikat atëherë po”, shtoi ai./teve1.info/
