Elvis Rexhbeçaj ëndërron me Kosovën të luaj në Kupën e Botës vitin e ardhshëm, edhe pse ky qëllim, është i vështirë dhe i mundimshëm. Mesfushori i Kombëtares së Kosovës në futboll, në një intervistë për faqen zyrtare të Fifa-së, ka folur për grupin kualifikues të Kosovës, në rrugën drejt Botërorit 2026.
Kosova është në Grupin B të eliminatoreve për Botërorin që do të mbahet në Kanada, Meksikë dhe SHBA. Në këtë grup janë edhe Sllovenia, Suedia dhe Zvicra.
“Është një grup shumë i barabartë ku çdo ekip mund të mposht çdo ekip tjetër. Ne e kemi dëshmuar disa herë që mund të mbajmë nivel të lartë kundër kombëtareve më të mëdha, dhe nëse jemi në formën tonë më të mirë dhe gjejmë ritmin, çdo gjë është e mundur, madje edhe për një ekip si ne, që konsiderohet e nënvlerësuar”, tha Rexhbeçaj.
“Ne kemi një objektiv të qartë përpara: të arrijmë në Kupën e Botës. Do të mund të realizojmë këtë qëllim vetëm nëse tregojmë pasion dhe bashkëpunim si ekip, ku çdo lojtar punon për njëri-tjetrin”.
The draw for the European qualifiers of the 2026 World Cup took place today in Zurich, placing Kosovo in Group B with Switzerland, Sweden, and Slovakia. The road to the World Cup kicks off in March 2025! #Kosovo #WC2026 #Football pic.twitter.com/L5apjSL5zP
— FFK (@FFK_KS) December 13, 2024
Rexhbeçaj thotë se kualifikimi në Botëror do të ishte gjë e madhe për Kosovën.
“Kam vështirësi ta shpreh me fjalë se sa e madhe do të ishte kjo për vendin dhe për mua personalisht. Mendoj se përfaqësimi i vendit tuaj në Kupën e Botës, edhe nëse është vetëm një herë, është kulmi i suksesit për çdo futbollist. Do të ishte diçka fantastike, megjithatë e dimë që ende ka shumë për të kaluar”, tha mesfushori që luan për skuadrën e Bundesligës gjermane Augsburg.
Rexhbeçaj me Kosovën i ka luajtur pesë ndeshje deri më tash. Ai për herë të parë luajti në shtator të vitit të kaluar në Ligën e Kombeve.
“Kam pasur kontakt të parë me Franco Fodën në fillim të vitit të kaluar. Sapo kaloi ligji që lejonte shtetasit gjermanë të merrnin shtetësinë e dyfishtë, nuk kishte asnjë dyshim që do të luaja për Kosovën. Që nga ai moment, natyrisht që isha i gatshëm të bëja debutimin tim, dhe më në fund arrita ta bëja atë përballë Rumanisë në shtator”, tha Rexhbeçaj.
Kosova ndeshjet e radhës i ka në mars më 20 dhe 23 mars, ku do të përballet me Islandën në barazh për inkuadrim në Ligën B të Ligës së Kombeve, për të cilat duele Rexhbeqaj ka thënë se nuk do të jenë të lehta, por që ekipi i “Dardanëve” ka mundësi të luaj në nivel të lartë.
📋 #NationsLeague Play-offs League B/C.✅ pic.twitter.com/SyN5B5sUCm
— UEFA Nations League DE (@EURO2024DE) November 22, 2024
