Deputeti i Lëvizjes Vetëvendosje Arbër Rexhaj ka thënë se janë në diskutime me Nismën për të arritur një marrëveshje për zgjedhje të kryetarit të Kuvendit dhe votim të Qeverisë.
Ai tregoi se janë në përpjekje për t’i bërë numrat.
Tutje, ai ka thënë se deputetja Albulena Haxhiu do të jetë sërish kandidate për kryetare të Kuvendit dhe se nuk do të propozojnë një emër tjetër.
“Po shkoj lart, kemi një mbledhje. Ne do ta përsërisim përsëri propozimin për Haxhiun. Jemi në përpjekje për të bërë numrat për kryeparlamentarin dhe për formimin e qeverisë. Jemi në konsultime dhe në dialog me Nismën. Së shpejti do ta kemi një përfundim. Është vendimi i VV-së për propozimin, jo nuk kemi ndonjë propozim tjetër”, tha Rexha.
