Gomat në rrugë janë vendosur.
Kështu po iu tregohet veturave se ku ndodhen gropat e mëdha.
Pasi sa herë që bie shi, këtë pamja merr kjo pjesë në magjistralen Prishtinë – Ferizaj.
E veturat hasin në vështirësi të mëdha.
“Ma tmerr mo nuk e di se qysh… Vi shpesh edhe kur vi knej se di tmerr, tash duhet me u kthy ka autobani në atë anë me shku se knej kiamet”, shprehet Adem Mehmeti -qytetar.
E hall të madh kanë edhe bizneset afër rrugës.
Nga Komuna e Ferizajt thonë që punimet në këtë rrugë është dashur të kryhen para shumë kohësh. Si arsye përmendin shkëputjen e shumë kontratave.
Ndërrimi i qeverive fatkeqësisht ka lënë anash punimet për të mos thënë pastaj ka shkëputur edhe shumë kontrata prej kohës së 2021 ku vetëm patën filluar punimet në këtë segment”, ka thënë Selim Marevci, zëdhënës i Komunës së Ferizajt.
Mes Komunës së Ferizajt dhe Ministrisë së Mjedisit, Planifikimit Hapësinor dhe Infrastrukturës për këtë çështje si duket nuk ka komunikim.
Kryetari çdo të hënë pret banorë dhe pjesën e bizneseve të Ferizajt nga ky lokalitet dhe ne asnjëherë nuk kemi shikuar për anën politike si Komunë në raport me qeverinë, kemi dërguar kërkesa që fatkeqësisht asnjë komunikim nuk e kemi pasur me Ministrinë pavarësisht gatishmërisë tonë mirëpo ne kemi marrë informata”, thotë zëdhënësi i komunës.
Televizioni Tëvë1 ka tentuar të marrë përgjigje edhe nga Ministria e Mjedisit, mirëpo deri në publikimin e kësaj kronike, nuk kanë kthyer përgjigje.
