Zëvendësministri i Infrastrukturës, Hysen Durmishi, ka njoftuar se pavarësisht reshjeve të vazhdueshme, të gjitha rrugët në Kosovë janë të kalueshme.
Përmes një postimi në Facebook, Durmishi ka shkruar se kompanitë e kontraktuara nga MMPHI, tashmë janë në terren për pastrimin e akseve rrugore nga bora, normalizimin e qarkullimit rrugor dhe garantimin e sigurisë për drejtuesit e automjeteve që nga orët e hershme të mëngjesit.
“Pavarësisht reshjeve të vazhdueshme, të gjitha rrugët në Kosovë janë të kalueshme. Kompanitë e kontraktuara nga MMPHI, janë në terren për pastrimin e akseve rrugore nga bora, normalizimin e qarkullimit rrugor dhe garantimin e sigurisë për drejtuesit e automjeteve që nga orët e hershme të mëngjesit”, thuhet në postimin e Durmishit.
Njëherit, Durmishi ka shkruar se janë vazhdimisht në terren për t’u siguruar se po punohet me intensitet të shtuar për pastrimin e rrugëve.
Teksa u ka bërë thirrje të gjithë qytetarëve që të bëjnë kujdes gjatë vozitjes dhe të respektojnë rregullat e qarkullimit rrugor. /teve1.info/.
