Sot, njësia B2 e Korporatës Energjetike të Kosovës (KEK) ka pësuar rënie dhe mbi 250 MWh energji elektrike janë larguar nga sistemi pa asnjë paralajmërim.
Ferat Shala nga Partia Demokratike e Kosovës ka reaguar, duke e cilësuar ngjarjen si pasojë e menaxhimit të dobët, mirëmbajtjes joefikase dhe mungesës së përgjegjësisë institucionale.
Ai paralajmëron se çdo rënie e paplanifikuar krijon krizë në tregun e energjisë, rrit çmimet dhe jep tregtarëve mundësi për të diktuar kushtet, ndërsa qytetarët paguajnë pasojat.
“Çdo rënie e njësive krijon krizë në treg, aq më tepër kur kemi rënie të paplanifikuara, si kjo e sotmja, të cilat rrisin çmimet dhe u japin tregtarëve hapësirë të diktojnë kushtet, ndërsa qytetarët paguajnë pasojat. Institucionet heshtin, investimet nuk japin rezultat dhe siguria energjetike po dobësohet”, ka shkruar Shala në Facebook. /teve1.info/
