Rektorati i Universitetit të Prishtinës “Hasan Prishtina” ka ndarë mirënjohje për profesoreshat e njësive akademike, me motivacionin për kontribut meritor dhe shërbim për universitetin.
Në njoftim thuhet se ato kanë dhënë kontribut qenësor në zhvillimin dhe avancimin e UP-së, nga shërbimi shumëvjeçar në ligjërim, angazhim brenda strukturave të njësive akademike, si dhe me punë shkencore në fushat përkatëse.
“Sot do të ndajmë mirënjohje për ju, për kontributin tuaj meritor dhe për shërbimin për universitetin. Megjithatë, ne kemi zgjedhur këtë datë më tepër për arsye simbolike. Por nuk është që mirënjohjet po i japim për këtë ditë, por për vite e dekada kontribut e shërbim tuajin për këtë institucion, që ne e kemi aq afër zemrës”, u tha rektori Qerimi profesoreshave të shpërblyera me mirënjohje.