Inspektorati Policor i Kosovës ka rekomanduar suspendimin e një polici në Stacionin Policor në Kaçanik i cili dyshohet për “Keqtrajtim gjatë ushtrimit të detyrës zyrtare ose autorizimeve publike”.
Sipas IPK-së rasti ka të bëjë me një incident që ka ndodhur mbrëmë në Kaçanik.
“Hetimet janë duke u zhvilluar në drejtim të veprës penale “Keqtrajtimi gjatë ushtrimit të detyrës zyrtare ose autorizimeve publike” kurse pas konsultave me prokurorinë rasti do të trajtohet në procedurë të rregullt. Bazuar në autorizimet ligjore të IPK-së dhe në interes të hetimit IPK ka rekomanduar suspendimin e këtij zyrtari policor. Hetuesit e IPK-së në konsultim të vazhdueshëm me prokurorin përgjegjës pritet të ndërmarrin edhe veprime të tjera hetimore lidhur me këtë rast për të sqaruar rrethanat e këtij incidenti”, thuhet nga IPK.
