Sipas Rekës, qëndrimi në dy karriga, më nuk kalon as në Bruksel e as në Washington.
Këtë deklaratë e ka bërë Reka pasi, dje senatorët amerikan i kërkuan Vuçiqit përcaktim të qartë për BE-në dhe jo me Rusinë e që sipas tij, të njëjtën ia kërkoi Beogradit, më herët edhe Brukseli.
“Fundi i lojës: ‘edhe Rusi edhe BE’. Dje, senatorët amerikan i kërkuan Vuçiqit përcaktim të qartë për BE-në dhe jo me Rusinë. Të njëjtën ia kërkoi Beogradit, më herët edhe Brukseli. BE-ja javën e kaluar, dënimin e invazionit Rus në Ukrainë, e ngriti në kusht të ri për anëtarësim. Tash kredibiliteti i BE-së do të testohet se sa do ta zbatojë këtë kondicionalitet edhe ndaj Serbisë”, ka shkruar ai në një postim në Facebook.
Ai thotë se këto janë dëshmi të mjaftueshme për BE-në, që t’i heq Serbisë trajtimin gjertanishëm siç e ka quajtur ai përkëdhelës krahasuar me pesë shtetet e tjera të Ballkanit.
“Këto janë dëshmi të mjaftueshme për BE-në, që ti heq Serbisë trajtimin e gjertanishëm përkëdhelës krahasuar me pesë shtetet e tjera të Ballkanit. Lojës shumëvjeçare të Serbisë: “edhe Rusi edhe BE” i doli boja. Qëndrimi në dy karriga, më nuk kalon, as në Bruksel e as në Uashington”, ka thënë Reka. /teve1.info/
