Kutllovci në emisionin “Ditari” në Tëvë1, ka thënë se ka pasur shumë reagime nga artistet dhe votuesit në lidhje me zgjedhjen e drejtorit të Teatrit, pasi siç u shpreh ajo këta votues e kontestuan përzgjedhjen e tij si drejtor për arsye politike.
“I gjithë ky proces filloi me përzgjedhjen e drejtorit të përgjithshëm të Teatrit Kombëtar të Kosovës, ku pas kalimit të testit dhe intervistës që doli si kandidati më i suksesshëm i atij konkursi, pati shumë reagime nga qytetarët dhe votuesit dhe aktivist dhe një pjesë goxha e madhe e artistëve të cilët e kontestuan përzgjedhjen e tij si drejtor për arsye politike, pasi që i përzgjedhuri (Kushtrim Sheremeti) kishte poste të larta politike në kohën e PAN-it dhe kjo rrjedh si mosbesim i artistëve që ai mund të udhëheq ndershëm dhe mirë me atë institucion”, ka thënë ajo.
Sipas saj, në krye të Teatrit Kombëtar duhet të vijnë kuadro dhe jo fytyra që tashmë kanë qenë që 20 vite aty.
“Besoj që në krye të krye të këtij institucioni por edhe të institucioneve të tjera duhet të vijnë kuadro dhe jo fytyra që tashmë janë shëtitur që 20 vite nga teatri kombëtar”, tha ajo.
Kutllovci tregon se pse është larguar nga gara për pozitën e udhëheqëses artistike në Teatrin Kombëtar.
“Kur është hapur konkursi për udhëheqësin artistik të teatrit, dolën fjalë në opinione se tashmë po dihet se kush do të bëhet udhëheqës artistik i teatrit kombëtar, e njëjta gjë se si kishte ndodhur me Kushtrimin drejtor. Po jemi duke folur për një regjisor i cili tashmë është në pozitën e drejtorit të Teatrit në Gjilan, jemi duke folur për Erson Zymberi, flitet në opinion që do të vij si udhëheqës artistik i Teatrit Kombëtar”, tha ajo. /teve1.info/
