Edhe pse i lënduar, futbollisti brazilian Neymar vendosi të luante për skuadrën e Santosit në ndeshjen e mbrëmshme.
Ditë më parë ai pësoi lëndim në meniskus, derisa mjekët thanë se ai nuk duhet të luante.
Por 33-vjeçari nuk i dëgjoi këshillat e tyre, pasi dëshironte të ndihmonte Santosin në një ndeshje aq të rëndësishme, e cila do të vuloste fatin e skuadrës, për të mos renë nga elita e futbollit brazilian.
Neymar ia doli me sukses, madje duke qenë njeriu kryesor i ndeshje, ku shënoi një gol dhe bëri një asist, në fitoren 3-0 ndaj Sport Recife.
Ky ishte goli i tij i pestë sezonal, pasi pothuajse për gjysëm e sezonit ishte i lënduar.
