Kryeshefi i kompanisë “Pastrimi”, Petrit Reçica i ka quajtur skandaloze deklarimet e zyrtarëve të Komunës së Prishtinës të cilët kanë akuzuar këtë kompani e cila është përgjegjëse për menaxhimin e mbeturinave për sabotim të punës.
Ai ka thënë deklarimet e zyrtarëve të komunës janë për të krijuar përshtypje se fajin për krejt problematikën e ka kompania pastrimi.
Reçica në emisionin “Ditari” në Tëvë1, ka thënë poashtu se akuzuat që kamionët janë prishur më qëllim nga kompania nuk qëndrojnë.
“Kjo është deklaratë skandaloze, kjo ndoshta e tregon në mënyrën më të mirë tendencën e tyre me krijua një narrativë të problematikës, kinse kompania “Pastrimi”është çdo e keqe sa i përket kësaj çështje që nuk është e vërtetë. Kamionët nuk kanë dhezë në oborrin e komunës dhe ne me epiken tonë i kemi dhezë. Në ditën kur kemi dal në teren kemi njoftu komunën se nuk punon sistemi automatik por vetëm ai manual. Ideja e tyre është me kriju një problem të ri”, u shpreh Reçica.
Cenimit i shëndetit publik nga mbeturinat, komuna paralajmëron masa ndaj “Pastrimit”
