“Bëhet fjalë për valvula biologjike të kualitetit të lartë, të cilat janë vendosur me procedurën e veçantë, pa pasur nevojë që proteza të fiksohet me penj kirurgjikë. Proteza biologjike vendoset me ndihmën e stentit te veçantë dhe me një hapje minimale të aortës”, thuhet në njoftimin e ShSKUK-së.
Tutje në njoftim është bërë e ditur se kjo procedurë e shkurton dyfish kohëzgjatjen e operacionit, raporton teve1.info
“Kjo procedurë e shkurton dyfish kohëzgjatjen e operacionit, siguron kualitet të lartë të valvulës dhe minimizon komplikimet e organeve si pasojë e kohëzgjatjes më të madhe të operacioneve kardiokirurgjike. Operacionet janë kryer nga kardiokirurget vendorë, anesteziologë dhe pjesa tjetër e ekipit operator, me asistimin e një profesori nga Greqia”, ka bërë të ditur ShSKUK-ja.
