Kampioni në fuqi i Evropës, Real Madridi ka vazhduar garën në Ligën e Kampionëve dhe synon trofeun e 16-të në histori të klubit.
Reali, të mërkurën mbrëma e eliminoi rivalin e përbetuar Atletico Madridin në 1/8 e finales për të avancuar në çerekfinale të Championsit.
Në fakt, Reali eliminoi Atleticon pas penalltive pasi koha e rregullt e takimit përfundoi 1:0 kurse gjatë dy vazhdimeve nga 15-të minuta nuk u shënua asnjë fol.
Madje, Reali pati rast të mirë në minutën e 70-të por Vinicius Junior dështoi nga penalltia.
Golin e vetëm në këtë përballje e realizoi Connor Gallagher, i cili pas vetëm 30-të sekondave zhbllokoi rezultatin e takimit, i cili doli të ishte edhe përfundimtar në stadiumin “Metropolitano”.
Ndeshjen e parë, Reali e kishte fituar 2:1 dhe gjithçka ishte e barabartë 2:2 pas 120-të minutave lojë, ku fituesi u përcaktua me penallti.
Reali triumfoi 4:2 me penallti, pasi VAR anuloi atë të Julian Alvarezit derisa Marcos Llorente qëlloi traversën. Golat nga pika e bardhë për Atleticon i realizuan Alexander Sorloth e Angel Correa.
Për Real Madridin të saktë nga pika e bardhë ishin Kylian Mbappe, Jude Bellingham, Federico Valverde e Antonio Rudiger derisa gjuajtjen e Lucas Vazquezit e priti Jan Oblak.
Në çerekfinale, Real Madridi do të përballet me skuadrën e Arsenalit.
