Real Madridi po mendon seriozisht për transferimin e mbrojtësit të krahut, anglezin Trent Alexader-Arnold, shkruan “Marca” të martën.
Mësohet se Reali po përgatit ofertën për ta bindur Liverpoolin e Alexander-Arnoldit në afatin kalimtar të janarit, pasi ka nevoj urgjente për një mbrojtës krahu.
Lëndimi i Dani Carvajalit dhe mungesa e tij për pjesën e mbetur të këtij sezoni, kanë detyruar Realin të marrë në konsideratë një lëvizje të tillë.
Në fakt, Reali synonte transferimin e anglezit verën tjetër, por lëndimi i Carvajalit duket se ka përshpejtuar procesin.
Anglezi 28-vjeçar, së fundmi ka refuzuar rinovimin e kontratës me Liverpoolin që i skadon verën tjetër.
Alexander-Arnold prej vitit 2016 është pjesë e ekipit të parë të Liverpoolit dhe këtë sezon ka 9 paraqitje dhe 2 asistime në të gjitha garat.
