Real Madridi do të jenë të paktën tri javë pa mbrojtësin gjerman Antonio Rudiger, i cili u lëndua në humbjen nga Espanyoli.
Klubi spanjoll ka konfirmuar se Rudiger ka dëmtuar muskulin e këmbës dhe do të qëndroj jashtë fushës për të paktën tri javë.
Kështu që, gjermani do të jetë i gatshëm për lojë në ditët e para të muajit të ardhshëm.
Megjithatë, mungesa e tij gjatë këtyre tri javëve do të jetë shumë e madhe për shkak se Rudiger i mungon Realit në ndeshje shumë të rëndësishme.
Ai nuk do të jetë në dispozicion për ndeshjet ndaj Leganesit, Atletico Madridit e Osasunas në kuadër të Kupës së Spanjës dhe La Ligas.
Gjithashtu, Rudiger do ti mungoj Real Madridit edhe në dy ndeshjet kundër Manchester Cityt që do të luhen në kuadër të play-offit të Ligës së Kampionëve.
