Real Madridi ka bërë një hap drejt kualifikimit në Kupën e Spanjës.
Madrilenët e kanë fituar ndeshjen e parë gjysmëfinale ndaj Real Sociedadit në udhëtim me rezultatin 1:0.
Golin e vetëm në këtë përballje e shënoi braziliani Endrick në minutën e 19-të pas asistimit të Jude Bellinghamit.
Ndeshja e kthimit mes këtyre dy skuadrave do të zhvillohet në stadiumin “Santiago Bernabeu” më datën 1 prill.
Në gjysmëfinalen tjetër do të përballen Atletico Madridi me Barcelonën, skuadra që barazuan 4:4 në ndeshjen e parë.
