Real Madridi ka marrë vendim për të ardhmen e sulmuesit Joselu, ka njoftuar “Marca” të enjten. Mësohet se Reali do ta bëjë 33-vjeçarin transferim të përhershëm duke shfrytëzuar opsionin e blerjes së tij nga Espanyoli.
Joselu u huazua te Reali para fillimit të këtij edicioni dhe madrilenët tashmë kanë njoftuar Espanyolin për vendimin e marrë.
Për blerjen e plotë të tij, Reali do të paguajë 6 milionë euro, ndërsa Joselu me klubin madrilen do të firmosë kontratë deri në vitin 2026.
Në 21 paraqitje për Real Madridin në të gjitha garat, Joselu ka shënuar 8 gola dhe ka asistuar dy herë.
