Real Madridi është futur në garë për mbrojtësin e ri, francezin Leny Yoro ka njoftuar të hënën e përditshmja spanjolle “Marca”.
Yoro 18-vjeçar është pjesë e Lillet dhe pas paraqitjeve të mira këtë edicion, ka tërhequr vëmendjen e shumë skuadrave të mëdha evropiane.
Te Real Madridi, Yoro po shihet si investim për të ardhmen dhe klubi spanjoll pritet së shpejti ta kontaktoj Lillen për shërbimet e tij.
Mësohet se Reali është gati të ofrojë deri në 50 milionë euro për Yoron, i cili ka kontratë me Lillen deri në vitin 2025. Këtë edicion, Yoro ka regjistruar 26 paraqitje për Lillen në të gjitha garat, ku ka kontribuar edhe me tri gola të shënuar.
