Real Madridi, momentalisht është lider i La Ligës spanjolle, pas fitores në vikend.
E në këtë fitore, Kilian Mbappe ka qenë motori i Realit të Madridit kundër Las Palmasit, ndeshje kjo që përfundoi me rezultatin 4-1.
Francezi ka zhvilluar ndeshjen e tij më të mirë si lojtar i Realit e kurorëzuar mes të tjerave edhe me dy gola. Ai ka folur pas ndeshjes duke komentuar suksesin e ekipit të tij dhe paraqitjen personale.
“Ishte një ndeshje e rëndësishme për ne, ne e dinim rezultatin e Atletikos dhe Barcelonës ndaj donim të fitonim dhe fituam. Të pësosh një gol herët është e vështirë, por reagimi i ekipit ishte i shkëlqyer. Ne luajtëm përpara, kërkuam hapësira, shënuam shumë gola, mendoj se të gjithë tifozët madrilenë e shijuan lojën sepse tashmë jemi kryesues”.
Skuadra nga “Bernabeu” tani ka 46 pikë pas 20 ndeshjeve, ndërsa nga pas janë Atletiko Madrid me 44 pikë dhe Barcelona me 39 sosh.
