Real Madridi zyrtarisht është kampion i ri i La Ligas.
“Los Blancos” shënuan fitore 3:0 ndaj Cadizit më herët sot, kurse humbja 4:2 e Barcelonës nga Girona ka bërë që matematikisht madrilenët të fitojnë titullin e kampionit.
Katalonasit nuk arritën ta shtynin festën e Real Madridit edhe pse dy herë ishin në epërsi ndaj Gironas.
E kampioni në fuqi deri sot, Barcelona ka rënë në pozitën e tretë.
Ky është titulli i 36-të i kampionit për Real Madridin që prin me më së shumti trofe të fituar.
Pas tyre është Barcelona me 27 sosh, e ndjekur nga Atletico Madridi me 11.
Në pesë vitet e fundit, Real Madridi e ka fituar tri herë titullin e kampionit.
🙌 ¡SOMOS LOS CAMPEONES DE LALIGA 2023/24! 🙌 pic.twitter.com/jSGlGbooKv
— Real Madrid C.F. (@realmadrid) May 4, 2024
