Ekipi nga kategoria e dytë e futbollit spanjoll, Albacete e ka eliminuar Real Madridin nga Copa del Rey, duke e shkaktuar befasinë më të madhe të kësaj gare.
Në një ndeshje dramatike, me tre gola të realizuar në kohën shtesë, vendësit i shkaktuan humbje të rëndë “Los Blancos” 3:2, të cilët edhe vinin në këtë duel me shumë probleme.
Pas humbjes në Superkupë të dielën, Reali shkarkoi trajnerin Xabi Alonso, ndërsa as trajneri i ri, ish-mbrojtësi Alvaro Arbeloa, nuk shmangi humbjen që i kushtoi skuadrës me mënjanim nga një tjetër garë për trofe në këtë sezon.
Ky triumf historik është i pari i Albacete-s në këtë fazë të turneut që nga sezoni 1994-1995, duke shkaktuar një zhgënjim të madh për skuadrën e madhe madrilene, derisa kaloi në çerekfinale të trofeut të çmuar spanjoll.
Javi Villar dhe Jefte Betancor me dy gola, ia siguruan fitoren e jashtëzakonshme klubit të La Liga 2.
Betancor golin e fitores e shënoi në minutën e 94-t.
Franco Mastantuono dhe Gonzalo Garcia i shënuan golat për madrilenët.
Garcia e barazoi rezultatin në minutën e parë të shtesës, por tre minuta më pas, Betancor shënoi për fitoren e madhe.
