Berge e falënderoi Bislimin për sqarimin e rëndësishëm pasi ky i fundit shprehi keqardhje duke thënë se i vjen keq që nuk ka përdorur termat adekuat lidhur me takimin e djeshëm të tyre
“Faleminderit për këtë sqarim të rëndësishëm @BislimiBesnik. Më i vlerësuari. Dhe faleminderit për një takim shumë të mirë dhe shkëmbim mendimesh dje”, shkroi Berge.
Ndryshe, Bislimi para disa orësh përmes një postimi në Twitter tha se i vjen keq që nuk e ka përdorur termat adekuat, ku në vend të fjalës ‘ai mirëpriti’ është dashur të përdoret ‘ ne informuam’,shkruan teve1.info.
“Me të vërtetë falënderues për @DSGBjornBerge për takimin e shkëlqyer dhe shkëmbimin e mendimeve. Me të vërtetë më vjen keq për zgjedhjen e termit joadekuat në tweet-in tim të fundit. Në vend të fjalës “ai mirëpriti”, përshkrimi i saktë duhet të thotë “ne informuam”, shkroi Bislimi.
Berge sot i ka reaguar zv.kryeministrit Bislimi për takimin, meqë në një postim në ‘twitter’ Bislimi kishte thënë se Berge ka mirëpritur aplikimin e mundshëm të Kosovës në Këshill të Evropës.
Thank you for this important clarification @BislimiBesnik . Most appreciated. And thank you for a very good meeting and exchange of views yesterday. https://t.co/IQJeiWwURL
— Bjørn Berge (@DSGBjornBerge) March 10, 2022
