Gjini ka sqaruar se një qytetar ka shkuar në objektin e komunës dhe i njëjti në korridor ka filluar të ngrit zërin dhe të përdorë fjalë kërcënuese.
“Meqenëse të gjitha mediat janë të interesuara për rastin e ndalimit të një qytetari për kanosje në objektin e komunës sqaroj si në vijim: Një qytetar ka ardhur në objektin e komunës dhe në korridor ka filluar të ngris zërin dhe të përdor fjalë kërcënuese. Për këtë rast është lajmëruar policia e cila ka verifikuar kamerat e sigurisë dhe zërin dhe me sa jam unë në dijeni e ka ndaluar personin”, ka shkruar ai në një postim në Facebook.
Ai thotë se për çfarëdo fjalë fyese apo ton kërcënues që përdoret ndaj zyrtarëve publik apo shërbyesve civil duhet të veprojë ligji.
“Duhet të sqaroj për të gjithë se për çfarëdo fjale fyese apo ton kërcënues ndaj zyrtarëve publik të zgjedhur ose shërbyesi civil, duhet të veprojë ligji”,tha Gjini. /teve1.info/