Seanca të martën filloi në ora 9:50.
E përsëri në bankën e të akuzuarit, është ish-kryeshefi i KPM-së, Luan Latifi.
Ky i fundit sipas aktakuzës së prokurorisë, përmes ish-drejtorit të Administratës dhe Financave në Komisionin e Pavarur për Media, Arben Bilalli, i kërkoi dhe mori ryshfet 8 mijë euro nga kompania “Telkos” .
E në këtë seancë, radha i erdhi dëgjimit të dëshmive.
Bëhet fjalë për disa audio-incizime, të bëra nga Elhami Haziri, e që është edhe njëri nga pronarët e kompanisë “Telkos”.
Në këtë formë për afër 40 minuta në gjykatore, qetësinë e prishën vetëm zëri i dëshmive.
Më pas këtë e arsyetoi, prokurorja e rastit, Merrushe Llugiqi.
“Me këtë bisedë të zhvilluar në mes të Arben Billallit dhe Elohami Hazirit zyret e KPM-së, konsiderojmë se Arbeni në këtë rast, Elhamiut ia ka përmendur fjalët dhe bisedën që kishte bërë me Luanin, cka do të thotë se i pandehuri Luan Latifi, pas takimit dhe bisedës në restorantin “Garden” në Gjilan me Elhami Hazirin, të njëjtat fjalë, Arbeni e ka ba me Luan Latifin, e që kjo vërtetohet nga CD- Voice 5”, tha Llugiqi.
E seanca vazhdoi me shikimin e një video incizimi nën masa të fshehta.
Këtë e kishte bërë Policia e Kosovës, kur pala e dëmtuar ia kishte dorëzuar 8 mijë euro, Arben Billalit.
Më pas sipas prokurorisë, ky është momenti kur Haziri e Billali, futën në njërin nga restorantet e Gjilanit.
E këtu bëhet edhe dorëzimi i parave.
“Ai ke ngjeh? S’po du m’i ngjeh, veç shtini aty..sa janë? 8 mijë. Se unë kam faj që hy në këto sene, e ai lujka k*qe jam më fëmijë…”.
Ndërkohë këto dëshmi i kundërshtoi, avokati i palës së akuzuar, Driton Musliu.
“Imagjoni Arben Biallithotë, unë ja dhashë Luanit 20 mijë euro, e ti ami mu 8 mijë euro, krejt kjo me hekë qafe. Ai i paska dhënë 12 mijë euro me hekë qafe Luanin. Nëse pretendohet se kjo ka ndodh kështu, ish dashtë policia menjëherë me shku të Luani, edhe mi nxanë ato 20 mijë euro”, tha Driton Musliu, avokat i Luan Latifit.
Por ky pretendim i Musliut, hasi në kundërshtimin e palës së dëmtuar.
“Kundërshtimi i mbrojtjes se kinse kjo provë zbehet se Billali i ka thënë Elhamiut se unë ja kam dhënë 20 mijë Luanit, kjo nuk e zbehë fare këtë provë, sepse Arben Billali i thotë me qëllimin që mos ta lëshojë Elhamiun”, u shpreh Naim Rudari, avokat i “Telkos”.
Në fund trupit gjykues iu dorëzuan disa dëshmi nga pala e akuzuar.
Më këtë përfundoi edhe seanca e së martës. Ndërsa shqyrtimi i ardhshëm u caktua me 28 shtator.
