Ish-sekretari, i Ministrisë së Industrisë, Ndërmarrësisë dhe Tregtisë (MINT), Irfan Lipovica, është paraqitur sërish në Prokurorinë Speciale për intervistim.
Ai ishte paraqitur në Prokurori edhe para dy ditësh, derisa është një nga tre të dyshuarit në rastin e rezervave shtetërore, së bashku me afaristin Ridvan Muharremi dhe zyrtarin Hafiz Gara.
Për këtë, zëdhënësja e Prokurorisë në Prishtinë, Arbnora Luta ka deklaruar për Tëvë1 se Lipovica është ftuar në cilësinë e të pandehurit, në kuadër të hetimeve lidhur me rastin “Rezervat shtetërore”, ku i njëjti sipas saj e ka shfrytëzuar të drejtën ligjore për të mos u deklaruar.
“z.Irfan Lipovica është ftuar në cilësinë e të pandehurit, në kuadër të hetimeve lidhur me rastin “Rezervat shtetërore”, mirëpo i njëjti e ka shfrytëzuar të drejtën ligjore për të mos u deklaruar. Për veprimet e tjera lidhur me rastin, publiku do të njoftohet me kohë”, thuhet në përgjigjen e Lutës./teve1.info/
