Është gushti i vitit 2021.
Ahmet Shabanaj ishte në orarin e tij të punës si zyrtar policor në pikëkalimin kufitar në Vërmicë.
Atë Prokuroria Speciale po e akuzon për marrje ryshfeti përgjatë ushtrimit të detyrë zyrtare.
Në pamjet e publikuara, prokurori Ilir Morina thotë se të paktën për disa ditë, ky zyrtar policor mori ryshfet në këtë mënyrë.
“E hap dokumentin shikojeni po i nxjerrë paratë, shikojeni po i futë në grusht… tani i vendosë dy duart po i shikon dhe numëron”, tha Prokurori Special, Ilir Morina.
Me pamjet e publikuara nuk u pajtua mbrojtësi i të akuzuarit, Naim Rudari i cili tha se nuk u arrit të provohet fajësia e të njëjtit.
“Lëvizjet e tij instiktive të tij që ka secili person, madje edhe kruarjet e trupit të tij, Prokurori i vlerëson si lëvizje të dyshimta, madje thotë se merr diqka kalon nga një dorë në tjetrën dhe i fut në xhepin e pasëm të djathtë por prokurori as ne këtu në sallë meqenëse kamera ishte vendosur në anën e majtë asnjëri nuk e pamë xhepin e pasim as xhepin e djathtë as dorën duke futur në xhep çkja asnjëri nuk pamë para”, tha avokati Rudari
Përkundër se të enjten u shfaqën videot vetëm të njërit prej të akuzuarve, në seancë kërkesa patën edhe avokatët tjerë të të pandehurve, ku thanë se provat janë të kundërligjshme.
“Masa e fshehtë teknike e vëzhgimit dhe hetimit monitorimi i fshehtë i bisedave publike dhe fotografimi në vendep publike. Për lëshimin e këtyre masave, kjo është e lëshuar ndaj personave N/N. Kur kjo masë është vazhdu përkundër që në fillim kanë qenë persona N/N ndërkohë janë shndërruar në emra dhe mbiemra është vazhduar kjo masë me datë 18 tetor 2021 ku figoruoin edhe emri të mbrojturit tim, masa nuk ndryshon”, u shpreh Leutrim Syla, avokat i njërit nga të akuzuarit.
“Kemi kundërshtuar masat e fshehta masat e veçanta hetimore për kundërligjshmëeinë e tyre ndonëse nuk i kishim të gjitha urhdërat ne kemi vlerësuar se masat e veçanta janë nxjerrë në mënyrë të kundërligjshme… Kërkoj nga trupi gjykues që tani t’i shpallë si prova të papranueshme dhe ti veçojë nga shkresat e lëndës. Ky qëndrim i yni do të jetë nga tani deri në përmbylljen definitive të kësaj çështje”, tha Naim Rudari, avokat i Adem Shabanajt.
Por, trupi gjykues refuzoi këtë propozim të tyre, pasi që vlerësuan se aplikimi i masave të fshehta është i bazuar në ligj.
Po ashtu u refuzua edhe kërkesa lidhur me ligjshmërinë për ekzaminimin të telefonave pasi që ato u tha se mund të përdoren si prova materiale.
Ndryshe, për muajin prill u caktuan dy seanca tjera ku do të shfaqen edhe video tjera për 23 të pandehurit tjerë që ishin arrestuar në vitin 2022 në një aksion të quajtur “Pika”.
