Për vrasjen e vitit 2023 në lokalin “Kobra City”, të premten nuk erdhën për të dëshmuar dy dëshmitare të cilat ishin në vendin e ngjarjes në natën kritike të 3 janarit. Prokuroria i cilësoi të njëjtat si të paarritshme meqë vijnë nga Shqipëria, ku u mor vendim që dëshmitë e tyre të merren në formë të shkruar.
Dy dëshmitare nga Shqipëria, të premten ishte planifikuar të dëgjoheshin në gjykimin për vrasjen në lokalin “Kobra City” në Prizren.
Mirëpo, prokuroria nuk ka arritur të sigurojë pjesëmarrjen e tyre, pavarësisht tentimeve.
Rrjedhimisht, u propozua që dëshmitë e tyre ti marrin në formë të shkruar.
Mirëpo, me këtë propozim nuk u pajtuan mbrojtësit e të akuzuarve, Dibran Hoxha, Roland Susuri, Arben Vezaj, Burim Mazreku dhe Jesmir Badalli.
Në këtë situatë, një zgjidhje u mundua ta ofroj, i akuzuari kryesor.
Megjithatë, trupi gjykues mori aktvendimi që propozimi i prokurorisë të aprovohet, dhe dëshmia e dy dëshmitareve të merret në formë të shkruar.
Gjyqi do të vazhdojë me dëgjimin e dëshmitarëve të tjerë.
