Deputeti i Partisë Demokratike të Kosovës, Fadil Demaku ka thënë se presidentja e Kosovës, Vjosa Osmani dhe kryeministri në detyrë, Albin Kurti po manipulojnë dhe po bëjnë një rikoordinim lidhur me çështjen e gjyqtarit të Gjykatës Kushtetuese, Radomir Laban.
Ai ka thënë se këtë po e bëjnë për shkak të mandateve, duke thënë se e tërë situata është politike.
“Znj. Osmani është para përfundimit të mandatit, z.Kurti ka disa vështirësi të mëdha dhe këtyre ju duhet rikoordinimi si e kanë bërë në kurriz të qytetarëve. Është çështje politike, krejt politikë një lloj manipulimi duke e përdorur këtë çështje. Nëse është person i tillë, ky do duhej të ndalej menjëherë dhe jo të pritet kur dalin çështje tjera dhe të zihet një pretekst dhe është një lloj manipulimi, sepse po ta kishin këtë çështjen e sigurisë kombëtare do të vepronin shume me herët. Janë duke u rikoordinaur për bashkëveprimin e tyre se në të kaluarën kanë arritur”, ka thënë Demaku në emisionin “InfoNata” në Tëvë1.
Presidentja e Kosovës, Vjosa Osmani ditë më parë ka njoftuar se ka tërehqur lëndën dërguar në Gjykatën Kushtetuese pasi është informuar se Laban është caktuar si raportues i kësaj lënde.
Ajo ka thënë se ky gjyqtar paraqet rrezik për sigurinë kombëtare.
Edhe kryeministri në detyrë, Albin Kurti i ka dhënë mbështetje Osmanit.
Për tërheqjen e lëndës nga Osmani ka reaguar edhe Gjykata Kushtetueses.
