Kanë pothuajse tre vite që Izet Sheqiri, Kadri Ibrahimi dhe Faton Vrajolli janë në paraburgim.
Këta së bashku me Fehmi Bytyqi që është nën masën e arrestit shtëpiak dhe Kadri Sheqiri që gjendet në liri, janë të përfshirë në rastin e 400 kg kokainë me prejardhje nga Brazili.
Këtu u njoftua se Kadri Sheqiri u njoftua ka hequr dorë nga cilësia e dëshmitarit bashkëpunues.
E pikërisht ndaj tij, Prokuroria Speciale ka ngritur një aktakuzë të re për armëmbajtje pa leje.
Për të, prokurori Valdet Gashi, kërkoi që të trajtohet si lëndë e përbashkët.
Kjo u kundërshtua nga mbrojtësit e të akuzuarve të tjerë.
Kërkesën e trupit gjykues ndaj avokatëve që të deklarohen për çështjen në fjalë, nuk e priti mirë avokati i Fehmi Bytyqit.
Vendim i gjykatës ishte që çështja e armëmbajtjes pa leje, tani për tani, të trajtohet si e veçantë.
Mbrojtja e Izet Sheqirit, kërkoi nga Gjykata që të zëvendësohet masa e paraburgimit me arrest shtëpiak.
Kjo kërkesë nuk u miratua nga trupi gjykues, i cili la në fuqi masat aktuale të sigurisë për të secilin prej të akuzuarve.
