Zeneli ka thënë se nga data 5 korrik deri më 7 korrik, 300 pacientë kanë kërkuar shërbime në QKMF-në në Kaçanik, që dyshohet se u helmuan nga uji i pijshëm.
“Nga 5 korrik deri më 7 korrik, numri i pacientëve që kanë kërkuar shërbime në qendrën kryesore të mjekësisë familjare në Kaçanik arrin në 300. Ndërsa gjatë ditës së sotme kemi pasur 80 pacient që kanë kërkuar tretman shëndetësor në QKMF”, tha ai në emisionin “Ditari” në Tëvë1.
Si pasojë e kësaj, ai ka treguar se çfarë simptoma kanë pacientët që kërkojnë tretman mjekësor në QKMF.
“Simptomat e këtyre pacientëve janë vjellje, barkqitje, ethe, temperaturë, ngërçe, mundim dhe plogështi. Këta pacientë vijnë nga lokalitet e fshatit Nikaj, Biqec, Rekë, Dubravë dhe Doganaj. Gjendja e tyre është e mirë por kemi raste kur pacientët vijnë për herë të dytë apo të tretë të kërkojnë shërbime në qendrën tonë të mjekësisë familjare”, ka deklaruar Zeneli.
Po ashtu, ai thotë se ka pacientë që kërkojnë ndihmë nga mosha pesë vjeçare deri në moshën 70 apo 70-vjeçare.
“Deri më tani nuk kemi asnjë rast të hospitalizuar në spitalin rajonal ose në QKUK, jemi duke monitoruar gjendjen mirë. Deri më tani kemi pacientë nga mosha 5 vjeçare deri në moshën 70 apo 80 vjeçare. I ka përfshirë të gjithë familjarët. Mosha mesatare është më shumë prezent”, theksoi Zeneli. /teve1.info/
