Kryetari i Partisë për Liri, Drejtësi dhe Mbijetesë, Nenad Rashiq nuk është shprehur optimist se të martën mund të votohet formimi i qeverisë së re të Kosovës.
Megjithatë ai ka thënë se varianti më i mirë për formimin e qeverisë në këto momente për Kosovën do të ishte Lëvizja Vetëvendosje.
Ndërkaq, Rashiq ka refuzuar të përgjigjet nëse do ta votonte qeverinë e opozitës nëse vie puna.
“Nuk jam optimist që do ta votojmë nesër këtë qeveri. Është proces i gjatë, nuk është hera e parë që mund të ndodh një ngërq i shkurtër politik. Po konsideroj që varianta ma e mirë do të ishte që partia më e madhe të formojë qeverinë sepse çdo opsion tjetër do ta komplikonte shumë më shumë procesin qoftë demokratizimin, qoftë udhëheqjen qeveritare, qoftë afrimin e Kosovës drejt BE-së andaj opsioni më i mirë normalisht në këtë moment është ky”, ka deklaruar ai para gazetarëve pas regjistrimit si deputet i Kuvendit të Kosovës./teve1.info/
