Ministri për Komunitete dhe Kthim, Nenad Rashiq, në një intervistë për “Radio Gorazhdevcin” ka thënë se me kryeministrin e Kosovës, Albin Kurti, ka pasur edhe kundërshtime të hapura. Por, ai thotë se një nga vendimet më të rëndësishme ishte regjistrimi i 24 hektarëve tokë në emër të Manastirit të Deçanit.
Rashiq tha se Kurti i kishte thënë se po e merrte vendimin për tokën, “hatri i tij”.
“Do ta them, ndoshta edhe pa modesti, por kjo ndodhi falë këmbënguljes sime. Kryeministri më telefonoi para mbledhjes së Qeverisë dhe më tha: ‘Kam menduar shumë për këtë. Do ta bëjmë, por ta dish – për shkak teje’”, tha Rashiq, transmeton “Kossev”.
Tëvë1 për këtë çështje i ka shkruar edhe Zyrës së Kryeministrit, por deri në publikimin e lajmit nuk ka marrë përgjigje.
Vendimi ishte marrë nga Qeveria e Kosovës më 13 mars të vitit 2024, ndërsa Agjencia Kadastrale e Kosovës ia regjistroi këtë tokë në emër të Manastirit të Deçanit disa ditë më vonë.
Ky vendim ishte marrë në prag të votimit për anëtarësimin e Kosovës në Këshillin e Evropës, ku Kosova nuk arriti të anëtarsohej.
BE dhe ShBA në vazhdimësi kishin bërë presion ndaj Kosova që vendimi për pronat e Manastirit të Deçanit të zbatohe
