Reprezentuesi i Kosovës, Milot Rashica ka zënë vend në formacionin më të mirë të javës në Superligën e Turqisë.
Rashica, të martën është përfshirë në 11-shen e xhiros së pestët pas paraqitjes së mirë që e pati barazimin e Beshiktashit 1:1 në udhëtim te Trabzonspori
Edhe pse luajti vetëm 67-të minuta në duelin e luajtur të dielën, Rashica ishte ndër më të dalluarit në fushë te skuadra e Beshiktashit.
Për kohën sa ishte në fushë, Rashica pati 59 prekje të topit, tri pasime kyçe dhe krijoi një rast të rrezikshëm. Kështu që, edhe pse nuk asistoi apo shënoi gol, paraqitja e Rashicës u vlerësua lart.
Për 28-vjeçarin, kjo ishte ndeshja e katërt këtë sezon në elitën e futbollit të Turqisë, ku ka regjistruar edhe dy asistime.
Aktualisht, Beshiktashi është i katërti në tabelë me 10 pikë, tri më pak se Fenerbahçe që është lider por ka një ndeshje më shumë të luajtur.
